Un cruce de libros

A fin de semana do 29 ao 1 de maio vaise celebrar en Lugo o X Encontro Nacional de Bookcrossing, que é un movemento internacional de intercambio gratuito de libros.

O Bookcrossing trata de persoas de todo o mundo que “liberan” libros en espazos públicos á espera de que vaia alguén a recollelos e que así  os libros sigan o seu rumbo de lectora en lectora. Hai máis de 100.000 persoas no mundo como usuarias, e varios millóns de libros.

Existen tamén “zonas oficiales de cruce ou liberación “ en Lugo por exemplo a Biblioteca pública etc.

É un movemento espontáneo, organizado informalmente pola web, polos foros, e por un certo protocolo. Fanse “quedadas” (meetups) en moitos lugares do mundo, aos que pode acudir quen desexa a compartir libros, sen mediar ningún tipo de interese editorial, de idade, grupo artístico, lingua, tipoloxía de libro nin sequera do local onde se reúne, que pode ir variando ao gusto dos convocantes.

O procedemento”protocolario” de uso dos libros  (“Tres RRR” :Read, register, release) establece que a cada libro se lle debe asignar un número, unha vez inscrito por unha usuaria, para que así con ese número se poida saber a modo de diario cando se libera, cando se recolleu e cantos países ou lugares recorre.

Sería interesante formar un lugar de liberación en cada barrio ou instituto, ou institución pública para fomentar a cultura da lectura universal, gratuita, xenerosa, de compartir, coma na Universidade de León ou outras.

etiqueta-bookcrossing leon

 

Pero mentras, Lucus BC Encontro 2017.

Resultado de imagen de bookcrossing spain  lugo

 

A información está na web, profe

Esta frase dita por un alumno, suscita un Tema a debate:

Se as matemáticas se poden explicar nunha web claras, con imaxes, a calquera hora do día ou da  noite, gratis, sen sair da casa, con miles de exemplos, graduados, adaptados ás respostas de cada persoa que fai os exercicios.

Se hai xa un profe que xa tén os videos na rede, e é guapo, listo, interesante, con prestixio porque sae na tele, gaña premios mundiais, e tén centos de miles de seguidores.

¿Que lle queda por facer ao profesorado? (Pregunta retórica,  pero imprescindible de contestar).

 

Resultado de imagen de isosceles profe

As PAAU que se chaman agora ABAU

Hoxe publícase no DOG a Resolución (en pdf) para a realizacion da  Avaliación do Bacharelato para o Acceso á Universidade (ABAU) 2017/18.

Constan de dúas partes:  Unha obrigatoria con 4 materias fixas: LC, LG, L Estranxeira e Historia e unha variable (Latín, Mates Aplicadas, Mates ou Fund. da Arte). Todas de 2º BAC.

Posteriormente, e de xeito voluntario segundo se di: “O alumnado que queira mellorar a súa cualificación de admisión poderá examinarse dun máximo de catro materias, a elixir entre as materias de opción do bloque de troncais de segundo curso de calquera modalidade e as materias xerais troncais específicas de modalidade distintas daquela da que se examinen na parte obrigatoria da proba”.

Esas materias terán unha poderación moi lóxica para acceder a certos Graos, que se concretará.

A Nota de Admisión da que se fala, e coa que definitivamente entrarás na Universidade (coma o 90% das persoas que a fan)será: o 60% a nota do teu BAC,e  o 40% a nota final das túas ABAU.

 

 

 

 

María Balteira é muller do barrio da Piringalla

Maria Balteira é a muller da que máis se fala nas cantigas de Afonso X O Sabio, no século XIII, cando o galego-portugués era a lingua dos católicos da Península Ibérica. Tamén é o nome do Centro Sociocultural que esa no barrio do IES Anxel Fole.

Incluso Marica Campo, a poeta e profesora do Incio tén un libro co nome daquela “soldadeira”. Daquela era case imposible que unha muller se adicase a unha profesión “de homes”, como o da chapista de “tunning” muller que acaba de gañar un premio.

Aqui, no Anxel Fole, celebrando o Dia da Muller, voltou a facerse unha actividade sobre o nome das Rúas das Mulleres. E así apareceu María Balteira, Pardo Bazán ou Elisa de Vega..

Anque a mellor exposicion é a das mulleres in-visibles: nosas nais e aboas.

O Entroido galego tamén fala do mundo enteiro

O Entroido galego é un dos máis completos e mellor conservados do mundo.

Cando os europeos chegaron ás Americas a colonizalas, tamén levaron os seus costumes. (“Costume” en inglés seica quere dicir “disfraz”). Así o Sur dos Estados unidos foi colonizado por españois, e ainda despois polos franceses (Luisiana, Orleáns, todo relacionado cos franceses).

Nova Orleáns, no sur dos Estados unidos de Norteamérica, tén moitos costumes franceses e da poboación afroamericana. Ali, na cuna do Jazz celébrase celébrase o Mardi Gras (Martes Gordo), que é como se chama o carnaval  (en Galicia Martes Lardeiro) en todo o occidente europeo.

Unha característica do Entroido é que a orde “normal” do mundo se revirte. Podemos disfrazarnos de quen non somos. Así tamén era nos colexios menores católicos onde se facían “obisparras” e se nomeaba a un rapaz como abade ou bispo.

Tanto no Entroido Galego (Santiago, Ribeira, Ourense, …) coma o de Nova Orleáns, e aqui no Anxel Fole, o personaxe ḿais parodiado foi o novo POTUS.

TRump Banana.jpg

 

 

Poda de adolescencia na fin do trimestre

O termo científico de Poda sináptica que se produce na adolescencia, refírese á supresión de conexións das células do cerebro, (case un 40% dende os 6 aos 14 anos!). As sinapses son as conexións entre as células. Canto máis e mellores, mellor funciona o sistema nervioso, que é o que nos relaciona co mundo, para sentir, pensar e actuar. E redúcese drásticamente, de xeito natural.

A boa nova é que solo han quedar as conexións fortes, firmes, seguras, que estén conectadas emocionalmente.

A mala nova é que se produce cando as persoas pasamos por unha idade de cambios persoais, sociais, sexuais, etc.

Desa evidencia científica, comentada nos enlaces anteriores, podemos sacar varias axudas:

  • Insistir, con afecto, fará que se queden as cousas máis importantes para sempre. Se insistimos no importante, permanecerá.
  • No momento de caos, irritación, cambio físico dunha persoa adolescente, parece que non vai sair nada bó, pero iso non significa que a persoa sexa mala ou malintencionada, senon que é complexo manexar as súas emocións e pensamentos.
  • Todo o ser está irritable, pois o corpo e a mente, a materia física e a emocional están misturados. Pero se facemos as cousas no bó camiño, servirá para sempre.

 

A poda ou a titorización é un termo moi empregado, como analoxía coa xardinería e a educación. Un titor é o apoio indispensable para que medre a planta nunha dirección segura. E a poda é a supresión daquelas partes que son incómodas ou inútiles para producir ou recoller o froito.

A tradición da noite de fin de ano, que xa se remonta aos romanos, era a de empezar o primeiro día, dende o primeiro momento, comendo algo doce, que inspirara o ano vindeiro. Que o disfrute do froito nos motivase a facer todas esas tarefas imprescindibles (podar e titorizar) moitos meses antes de que se poidan aproveitar.

 

vitis_vinifera_-_kc3b6hlere28093s_medizinal-pflanzen-145

Matemáticas contra o alcol e as apostas

Hoxendía os adolescentes están expostos a unha serie de estímulos moi atractivos que son tan nocivos coma outros que se critican abertamente. Merece unha reflexión dende as matemáticas. E máis nestas festas próximas hiperconsumistas.

Hoxe preguntando a unha adolescente de 3º da ESO se sabía cantos graos de alcol tiña por exemplo o vodka dixo: “CATRO con algo”. Logo pasamos a falar do viño e da cervexa, e algo non cadraba.

Os especialistas din que se fose máis caro o alcol (legal, non o de garrafón), baixaríase o consumo. Hai guias sobre Alcolismo para profesores.

Outro día un rapaz, menor, dixo “gañei 40 euros na máquina”. Este asunto correu de boca en boca e ese caso aillado foi a xustificación perfecta para que decenas de adolescentes fosen a perder o diñeiro nas máquinas, legais, dunha chea de bares e cafeterías.

Os equipos de fútbol teñen nas súas camisolas as casas de apostas on line. Foi obxeto de controversia (económica) nos anos que tamén se quería facer un remedo de Las Vegas, cunha lexislación de lesser faire.  E cada bar tén unha máquina de apostar a-calquera-cousa-por inverosimil-que-sexa. Calquera que saiba algo de probabilidades e azar matemático pode previr os excesos. Entra no curriculum da ESO.

Podemos ter moitos problemas nunha sociedade hipócrita, que fomenta e logo se sorprende dos males.

Violencia contra as mulleres

A violencia forma parte da sociedade, e a civilización tén sido o maior antídoto.  E agora temos o día internacional da ONU contra a violencia de xénero, como unha data para reflexionar e actuar.

É “violencia de xénero” porque é un tipo especial de violencia, que se fai “por ser do xénero que eres”.

A violencia contra as mulleres, como en xeral,  tén varias caras. Por exemplo:

1-A violencia que recibiu Emilia Pardo Bazán cando se defendeu contra os ataques dos escritores,–homes– que non querían que fose presidenta do Ateneo, nin que pertencese á real Academia de la Lengua. Por ser muller, porque méritos lle sobraban.

2-A violencia que se expresa na música actual coma o “trap“, como a española Bad Gyal,  para defender e facerse respetar, e a critican por “non expresarse como debería unha muller”. Sen escoitala nin entender de que mundo fala, se cadra un mundo cheo de violencia.

3-A violencia de poñer unha foto dunha compañeira nun comentario nunha rede social, sin vir a conto, sin o seu permiso, e dando pé a que outra xente se burle.

4-A violencia  “normal” de insultar ou falar mal de alguén que non tén dereito a réplica, non deixándoa falar, ou sen estar presente (como nas redes sociais).

5-A violencia de que “parece raro” que as mulleres se adiquen á arte, o comic, simplemente porque antes non o fixeran.

Mano violeta .jpg

Emprego ao seu tempo para os xoves

Un estudo recente di que os xoves teñen moi baixas expectativas de traballar en algo real e que lles guste, que van a ter que emigrar, e que o Estado debera facer algo ao respecto. O paro xuvenil é un dos problemas máis serios do estado español, e non tén visos de mellorar en breve.

Parece que todo o mundo quere gañar algo pero movéndose na dirección contraria ao “premio”: mentras o goberno estuda poder compatibilizar unha pensión con un novo traballo nos 70 anos, a xuventude non atopa traballo ata os 30 (porque non teñen experiencia abonda), ou os de 45 xa non atopan traballo unha vez que os botan do que tiñan, (porque non teñen formación abonda).

¿Cando necesita unha persoa empezar a ter un traballo remunerado ? A nova FP Dual establecida nalgúns lugares de Galicia, na que o alumnado empeza a cobrar un salario mentras está estudando, pode ser unha solución.

O que parece evidente é que a Vida Adulta empeza co primeiro salario. ¿Ou non?

 

ref-re43-reloxio-costa-brava-17x14-20-242x300-regal-ceramica
(reloxio da fábrica de Regal, en Viveiro)

O circo da agresión

Estes días, tivemos en Lugo un suceso lamentable, una pelexa gravada en video, dentro das Murallas. E que terá consecuencias tamén para os que estiveron vendo o “espectáculo“.

A violencia parece estar convertida nun circo, na que certos rapaces inconscientes actúan como se fosen feras salvaxes. E como xa teñen dito moitas persoas sabias, os que se pelexaron realmente foron e estiveron sendo víctimas. Metéronse nun circo sin saber que ían ser o espectáculo máis lamentable. E houbo xente que estaba “encantada” co espectáculo.

O círculo da violencia é o que se monta arredor. Como xa dixo a Fiscalía de Menores: todas as persoas que animaron a pelexa son culpables. Todas esas personiñas aborrecidas que non teñen outra cousa na que divertirse que animar á lea a uns infelices , e que saben que farán todo o que sexa por destacar nun minuto de gloria. Todas esas persoas son culpables tamén, e merecerían un castigo proporcional á súa culpa.

Non é certo que agora haxa máis violencia ca en outros tempos,– e non nos imos remontar á época do Lucus romano–, pero o que é certo é que agora estamos máis sensibilizados/as, e non aturamos tanta tontería.